Во Пробиштип завршува реконструкцијата на една од најфреквентните улици
Заврши реконструкција на улицата „Тодор Александров“ во населбата „Карпош“, која е една од најфреквентните во градот Пробиштип. Градоначалникот на Општина Пробиштип, Тони Тоневски денеска информираше дека поради честите дефекти за застарената водоводна мрежа оваа улица беше оштетена, поради што и како локална власт морале да ја реконструираат.
- Со оваа реконструкција опфатено е комплетно поставување нова водоводна мрежа, улично осветлување, тротоари, како и поставување нов асфалт. Целиот овој проект чини околу седум милиони денари, а наредната недела градежната фирма ќе го постави и новиот асфалтен слој, вели Тоневски.
Во близина на улицата „Тодор Александров“ заврши и изградбата на детското игралиште со мини парк. Тоневски соопшти дека според планот и програмата на општината планираните улици за реконструкција во најголем дел се реализирани, а наредната недела очекува да почне и реконструкцијата на улицата „11 Октомври“.
-Тоа е еден проект кој што е добиен како донација од европските фондови од ИПА компонентата, а кој ќе се реализира во координација на Светска банка во Репблика Македонија. Веднаш по нивното одобрување ќе склучиме договор со изведувачот, каде што тендерската постапка е целосно завршена, рече Тоневски.
Со реконструкцијата на оваа улица завршуваат и планираните инвестиции во инфраструктурните објекти во Општина Пробиштип, која веќе прави нова програма за работа за 2017 година.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови