ВМРО-ДПМНЕ: Изразуваме жалење за жртвата од сообраќајната несреќа, Спасовски и МВР да преземат одговорност
ВМРО-ДПМНЕ изразува длабоко жалење за жртвата, прерано загубениот живот на 24 годишна девојка, во вчерашната сообраќајка на булеварот Партизански одреди.
Ова не е првпат во последните неколку години луѓе да ги губат животите на улиците и патиштата, и секогаш притоа одговорноста изостанува.
И после 24 часа од МВР молк. Спасовски се фали со некакви бројки за намален број на сообраќајни несреќи, а во исто време штанцаат афери.
Криминалци прават сообраќајки и се на слобода. Власта испраќа порака на неказнивост и го стимулира хаосот на улиците.
Апелираме до МВР и Спасовски да го расчистат случајот во најкраток можен рок, но и да ги зголемат контролите на улиците и патиштата.
Во исто време го повикуваме Спасовски да преземе одговорност. Тој е 6 години министер за внатрешни работи, а безбедноста од година во година е се полоша.
Спасовски е неспособен да менаџира со МВР, и хаосот во државата, неказнивоста на криминалот и страдањето на граѓаните е поради неговата неспособност.
Центар за комуникации на ВМРО-ДПМНЕ
Ново на Сител
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот