СИЕР против евентуални промени на условите за остварување старосна пензија

Синдикатот на индустрија, енергетика и рударство на Македонија (СИЕР), по повод, како што велат, шпекулациите во врска со промени во Законот за пензиско-инвалидско осигурување, повика за проблемите во Фондот на ПИО да се изнајдат посоодветни и поодржливи решенија отколку што е продолжувањето на работниот век, а  пензиите, како тековни, така и идни, редовно да се исплатуваат.

Во соопштението на СИЕР се наведува дека, синдикатот е апсолутно против какво било промени на условите за остварување старосна пензија за работниците во Македонија, а особено за работниците во индустриските дејности, енергетиката и рударството, за кои и сегашните услови се тешки.

Од СЕИР предупредуваат дека какво било понатамошно влошување на условите од постојната регулатива е апсолутно неприфатливо и неиздржливо.