Се судриле велосипед и автомобил - велосипедистот тешко повреден

Вчера околу 11.45 часот на крстосницата од регионалниот пат с.Пепелиште-с.Лакавица со улица за влез во с.Пепелиште се случила сообраќајна незгода во која учествувале Л.Д.(50) од с.Пепелиште, кој управувал велосипед и патничко возило „опел астра“ со охридски регистарски ознаки, управувано од А.Р.(39) од Охрид.

По незгодата, велосипедистот бил пренесен во Општата болница Кавадарци каде му биле констатирани тешки телесни повреди.

Увид на местото извршила екипа од ОВР Неготино, стои во соопштението од МВР.