Џет-Сет
12. August 2020 - 10:40

Рита Ора обвинета за лажно претставување како мулаткиња

Британската пејачка со албанско потекло Рита Ора е обвинета дека на социјалните мрежи се преправала дека е личност од негроидна или мешана раса, а всушност е во потполност белкиња.

Имено, многу обожаватели се шокираа кога открија дека двајцата родителите и се од бела раса. Пејачката родена во Приштина, Косово и целото нејзино семејство по потекло се од Албанија.

Во интервју за магазинот „Вог“ таа кажа дека нејзините родителите избегале во Англија за да го избегнат прогонот од народот.

„Кога започна конфликтот во Југославија, моите родители донесоа тешка одлука за да заминеме“ - рече Рита и продолжи:

„Косово секогаш ќе биде наша татковина и засекогаш ќе бидеме горди Косовци.“

Меѓутоа, на социјалната мрежа Твитер, следбениците ја обвинија Рита за „blackfishing“ - личност која на социјалните мрежи се преправа дека е од негроидна раса.

Таа не е првата јавна личност која е обвинета за истото, покрај неа тука се збројуваат и Ким Кардашијан, Кајли Џенер и Ариана Гранде.

Обожавателите велат дека Рита ја присвојува црнечката култура за свој стил на облекување и имиџ преку кој се претставува во јавноста. Често има афро фризура и плетенки, што е заштитен знак на Афроамериканците кои имаат многу густа и кадрава коса.