Новиот градоначалник на Гази Баба се откажа од користење на службено возило

По примерот на новиот градоначалник на Штип, Иван Јорданов и новозибраниот градоначалник на Општина Гази Баба, Бобан Стефковски се откажа од користење на службено возило како и од трошење на средствата во буџетот наменети за репрезентација.

Веста за ваквата одлука ја соопшти градоначалникот Стефковски на Фејсбук.

„Ја информирам јавноста дека како Градоначалник на Општина Гази Баба се откажувам од користење на службено возило и истото го давам на користење на администрацијата со цел поефективно вршење на работите во интерес и за граѓаните на Општина Гази Баба. Истовремено се откажувам и од трошење на средствата во буџетот наменети за репрезентација. Парите во буџетот се на граѓаните и истите треба да се трошат единствено за реализација на проекти за подобрување на животот на граѓаните." - напиша Стефковски на Фејсбук.