Невообичаено голема дупка се појави во дворот на кумановско семејство во „Багрем бања“
Невообичаено голема дупка се појави во дворот на кумановското семејство Азировиќ во Куманово во месноста „Багрем Бања“. Овој невообичаен настан го регистрираше и Регионалниот центар за управување со кризи, во чие соопштение се наведува дека пропадната земја има пречник на отвор 50 до 60 сантиметри што надолу се проширува до 150 сантиметри и повеќе, на длабочина од пет до шест метри.
Сопствениците, Селвер и Кумрија Азировиќ додека го расчистувале дворот, непријатно биле изненадени гледајќи ја големата дупка во дворот, што според нив се појавила ненадејно. Соседите им кажале дека станува збор за бункери градени во минатото.
– Многу е голема како да е градена, се гледа простор каде може да се движи, како бункер граден во минатото, вели Азировиќ.
Соседот, повикал служби кои дошле и ја констатирале состојбата.
В понеделник, стручните лица ќе ја согледаат состојбата и ќе кажат какви чекори ќе бидат преземени. Граѓаните од оваа населба велат дека во овој дел има скривници градени во минатото.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера