Најмалку 17 мигранти се исчезнати откако чамец потонал во Егејско Море

Најмалку 17 лица се водат како исчезнати откако чамец, со кој се превезувале мигранти, потонал во Егејското Море меѓу Турција и Грција.

Грчкото Министерство за трговска морнарица соопшти дека со заеднички напори на грчки и турски спасувачки екипи биле спасени 16 луѓе. Во чамецот, кој потонал меѓу грчките острови Фармагониси и Агатониси, се наоѓале меѓу 33 и 37 мигранти, чија националност не е позната.

- Спасувачката операција продолжува. Во потрага сме по меѓу 17 и 21 лице, изјави портпарол на грчкото Министерство.