МВР со детали за инцидентот во КАМ маркет: Влегол да пазари без маска, му кажале да стави а тој ги нападнал

МВР сподели детали за инцидентот кој се случи во КАМ маркет, кога маж нападнал вработени во маркетот откако му кажале да стави маска.

- На 15.03.2022 во 22.00 часот В.П.(22) од Скопје пријавил дека околу 16.50 часот додека ги извршувал своите работни активости како касиер во маркет на подрачјето на Центар влегол маж на возраст од околу 30 години без заштитна маска да пазари и од страна на неговата колешка му било укажано да стави заштитна маска поради запазување на здравствените протоколи. Тогаш лицето станало агресивно и физички ги нападнало, информира МВР.

Се работи на расчистување на случајот.