Материјална штета по земјотресот од 6,2 степени по Рихтер во Грција
По силниот земјотрес од 6,2 степени по Рихтеровата скала што напладне беше регистриран во централна Грција, материјална штета претрпеа најмалку две цркви, едно училиште и неколку објекти во грчките села во близина на епицентарот, а нема информации за повредени или жртви, јави дописничката на МИА од Атина.
За час и половина следеа уште 11 други земјотреси, од кои еден од пет степени, а осум над четири степени според Рихтеровата скала, согласно податоците од Геодинамичкиот институт на Националната опсерваторија.
Жителите на Лариса и околните места се вон нивните домови, а со одлука на периферијата затворени се училиштата во целиот регион.
Од противпожарната служба на Грција соопштуваат дека се мобилизирани сите спасувачки екипи, додека пак по наредба на грчкиот премиер Кирјакос Мицотакис, владин тим се упатува кон регионот во кој се случи земјотресот.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o