ЛАДЕН ГЕСТ: Трамп одбил да ѝ пружи рака на Меркел

Американскиот претседател Доналд Трамп и германската канцеларка Ангела Меркел, денес имале разговор во четири очи во овалниот кабинет на Трамп. По состанокот, шефот на Белата куќа одбил да и пружи рака на Меркел пред новинарите, пишува германски Билд.

 

Тој претходно срдечно ја дочекал и се ракувале. Следувал 15-минутен разговор кој двајцата го оцениле како „добар“, по што биле повикани новинарите и снимателите. Како што наведува германскиот весник, Трамп делувал напнато и сериозно.

 

– Пратете убава слика во Германија, им порачал тој на фото-репортерите, а кога тие им побарале да се ракуваат, Трамп одбил.

 

– Ќе си пружиме ли рака, го запрашала Меркел на англиски, но Трамп не сакал.

 

Погледот му бил фиксиран пред себе, и се правел дека не ја слуша канцеларката. Таа биле помалку шокирана, а потоа само се насмеала, ја опишал новинарот на Билд случката во овалниот кабинет.