Кривична пријава за кичевчанец за незаконска експлоатација на минерални суровини

Полициската станица од Кичево поднесе кривична пријава против И.С.(53) од кичевското село Другово поради постоење основи на сомнение за сторено казнено дело „незаконита експлатација на минерални суровини“. 

Пријавениот во периодот од 21.11.2017 до 30.05.2018 година на место викано „Завој“ во Кичево, вршел незаконита експлатација на песок без да поседува дозвола од Министерството за животна средина и просторно планирање или договор за експлатација на минерални суровини со АД „Водостопанство“.

Тоа, како што истакна Стефан Димоски портпарол на СВР-Охрид, го правел со намера да се стекне со противправна имотна корист од поголема вредност на имот во приватна сопственост со чиј сопственик имал само договор за закуп.