ЈуТјуб ги штити децата од педофилите: Избриша над 150.000 видео-снимки на деца

ЈуТјуб соопшти дека избришале повеќе од 150.000 видео-снимки на деца каде имало непристојни коментари, па дури и со педофилски карактер.

Поради такви коментари, повеќе познати компании што се рекламираат на ЈуТјуг одлучиле да ги повлечат своите реклами од тој сајт. Укинати се стотици налози, избришани повеќе од 150.000 снимки и блокирани коментари на 625.000 видео-снимки.

ЈуТјуб забрани и објавување реклами на „повеќе од два милиона видео-снимки и 50.000 канали што се поврзани со семејна содржина“, објави француската телевизија Ероп 1.

Заострени се прописите кога станува збор за поставување видео-снимки на кои се појавуваат деца. Ова е втопат ЈуТјуб да се соочува со полемика од тој тип.