Јоханес Хан во посета на Сараево
Европскиот комесар за проширување и соседска политика Јоханес Хан денеска ќе допатува во посета на Сараево, каде со босанските лидери ќе разговара за реформите и процесот на евроинтеграција на Босна и Херцеговина.
Според оценката на сараевскиот весник „Дневни аваз“, Хан практично доаѓа во „инспекција“ со цел да се увери до каде стигнала БиХ на патот на исполнување на обврските што произлегуваат од т.н. реформска агенда.
Една од главните теми на средбите на Хан со неговите домаќини ќе биде Прашалникот на Европската комисија, чие исполнување е еден од клучните услови земјата да добие статус на кандидат за членство во ЕУ. Краен рок за одговор на Прашалникот е 15 декември.
Покрај тоа, Хан и неговите домаќани ќе разговараат и за законот за акцизи и за државниот буџет на БиХ за 2018 година.
Се очекува еврокомесарот на боснаските лидери да им ја пренесе и пораката од Брисел дека пресудите на Хашкиот суд мора да се почитуваат и дека тие не смеаат да влијаат на односот кон реформите и европскиот пат на БиХ.
На крајот на дводневната посета, Хан утре ќе ја пушти во употреба новата заграда на Јавното обвинителство на БиХ, за чија изградба ЕУ обезбеди средства во висина од околу 1,4 милиони евра.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга