Јилдирим се предомисли: Нема отштета за соборениот руски авион
Турскиот премиер Бинали Јилидирим денеска ја повлече својата синоќешна најава дека Анкара е подготвена да и плати отштета на Русија за соборувањето на рускиот воен авион во реонот кај границата со Сирија во ноември минатата година.
- Исплатата на отштета на Русија не е во понудата, само изразивме жалење, изјави денеска Јилдирим.
Како што јави Си-Ен-Ен Турк, ваквата изјава на Јилдирим доаѓа по помалку од 24 часа по неговата најава дека Турција би се согласила да и плати обесштетување на Русија за уривањето на нејзиниот воен авион, што довдеде до значително влошување на односите меѓу двете земји.
- Мислам дека се разбравме во врска со оваа афера. Инцидентот ќе го оставиме зад нас и ќе продолжиме по нашиот пат, рече Јилидирим.
Кремљ објави дека турскиот претседател Реџеп Тајип Ердоган вчера упатил писмо до неговиот руски колега Владимир Путин во кое изразил жалење поради уривањето на рускиот авион и нагласил дека во Анкара постои волја за подобрување на билатералните односи.
По ваквите пораки и изјави, според најавите на турските медиуми, за утре е закажан телефонски разговор меѓу Ердоган и Путин, кој би бил прв по уривањето на рускиот авион.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска