Вучиќ со порака од Одеса: Србија сака да обнови еден или два града или помал регион во Украина
Претседателот на Србија, Александар Вучиќ, денеска на Самитот Украина – Југоисточна Европа во Одеса изјави дека Србија би сакала да обнови еден или два града или помал регион во Украина и со тоа да им обезбеди поддршка на граѓаните на таа држава.
„Би сакал да ја добијам вашата поддршка, претседателе Зеленски, за да избереме еден или два града или помал регион што можеме да го обновиме и мислам дека тоа би било нешто многу видливо за народот на Украина ако добијат јасна поддршка“, рече Вучиќ во своето обраќање на првата сесија на Самитот.
Тој додаде дека Азербејџан веќе направил нешто слично во Украина и дека тоа би било многу важно кога станува збор за хуманитарна помош и сите други прашања кои, како што истакна, вклучуваат политичка поддршка за територијалниот интегритет на Украина.
„Она што можам да го кажам во име на мојата земја е дека Србија ќе продолжи цврсто да се придржува до Повелбата на ООН и меѓународното јавно право, што вклучува заштита на територијалниот интегритет на земјите признати од ОН како најважен принцип. Ние секогаш сме се залагале за ова и, како што реков, ќе бидеме цврсти во таа позиција и мислам дека на некој начин тоа може да биде корисно и за Украина“, истакна Вучиќ.
„Подготвени сме да ве слушаме и да ве чуеме и да видиме како можеме да ви пружиме помош и поддршка. Ви благодарам уште еднаш што нè примивте и се надевам дека барем ќе можеме да придонесеме нешто за украинскиот народ без никакви големи слогани или нешто слично. Мислам дека вашиот народ навистина го заслужува тоа“, рече Вучиќ.
Ново на Сител
-
Тошковски: Расветлени се мотивите за дел од случаите со пожарите кои настанаа изминатиот период
-
Уапсено лице кое предизвикува пожар во скопско Огњанци
-
Објавена снимка од надзорна камера, Арсовска прва нападнала, а полицијата веднаш реагирала | ВИДЕО
-
Освоивме прва награда на ICAMES во конкуренција на 15 држави | Елена и Марко од ФЕИТ | Sitel Podcast 103
-
Алкараз ќе ја брани титулата на Вимблдон, откако избори трето финале
-
Новата ракометна сезона ќе ја отворат Еурофарм Пелистер и Вардар во Супер купот
-
Утре потопло со пораст на дневните температури
-
Општина Чаир го осудува нападот врз Арсовска, нагласува дека никој од институцијата не е поврзан со настанот