Гуштер од скоро 2 метри во потрага по храна во супермаркет во Тајланд | ВИДЕО
Во супермаркетите може да се видат секакви сцени, но не и гуштери од скоро 2 метри кои ползеа по полиците во продавницата во Тајланд.
Тие ползеа по полиците барајќи храна, а клиентите кои се нашле во маркетот воопшто не биле воодушевени, па почнале да викаат од страв и неверување.
Нарумпа Тангсин, кој ја снимил неверојатната сцена, вели дека не смеел да им приоѓа на влекачите затоа што можат да бидат опасни доколку се налутат.
"Застанав кратко за да купам нешто за јадење, кога видов огромен гуштер, сакав да земам пијалок, но влекачот стоеше премногу близу. Тие се опасни, особено ако се лути, па затоа останав поназад. Маркетите се чини дека имаат сè, дури и гуштери “, рече тој.
Персоналот и клиентите се криле зад касата, додека животните туркале предмети и пустошеле низ маркетот.
Продавачот повикал полиција, која пристигнала со експерти кои ги фатиле влекачите.
Се верува дека тие влегле во маркетот во потрага по храна бидејќи суво време со многу малку дожд владее во Тајланд веќе неколку месеци, пренесува Мирор.
Азиските гуштери живеат во канали и мочуришта во близина на поголемите градови во Тајланд каде се хранат со риби, жаби, змии, но и со остатоци од храна оставена од луѓе.
Доколку се чувствуваат загрозено, можат да бидат многу агресивни, а нивниот залак може да содржи бактерии опасни за луѓето.
Ново на Сител
-
Трофејот во Клуж-Напока го освои Потапова
-
Адана Демирспор го напушти теренот поради пенал досуден за Галатасарај
-
Македонските кошаркарки со пораз од Украина ги завршија квалификациите за Евробаскет 2025
-
Дончиќ ќе дебитира за Лејкерси против Јута
-
ВМРО-ДПМНЕ: СДСМ, Заев и Ковачевски потрошиле 280 илјади евра за фејсбук реклами
-
Најстудено во Берово, најмногу снег на Попова Шапка
-
Од денеска до петок во Србија повик за бојкот на пет големи трговски синџири поради високи цени
-
Во штипскиот Основен суд почнува судењето на Фадил Зејнелов, убиецот на Емилија Пешева