Грчкиот алтернативен министер за надворешни работи Варвициотис утре во Скопје

Како што соопшти владината прес-служба, во рамки на посетата, Варвициотис ќе се сретне и со премиерот Зоран Заев, како и со министерот за надворешни работи Бујар Османи,

 

– Посетата се остварува во светло на засилената билатерална соработка меѓу Македонија и Грција, како и изразената грчка поддршка за европските интеграции на земјава. Во тој контекст, ќе се разговара за можностите за продлабочување на соработката и техничката помош од грчка страна, како и остварувањето на заедничката стратешка цел што подразбира официјален почеток на пристапните преговори со ЕУ, стои во соопштението.

Вицепремиерот Димитров и алтернативниот министер Варвициотис ќе имаат билатерална средба утре, по што ќе следат изјави за медиумите.