Гаши: Ако Заев има искрена желба да ја спаси државата од овој грч, ќе му помогнеме
Алтернатива ќе се води од очекувањата на своите гласачи, интересите на Албанците во Македонија, како и државните интереси кои се тесно поврзани со нашите партиски и национални цели. Ако во преговорите видиме дека Зоран Заев навистина има искрена желба да ја спаси државата од овој грч, ќе се обидеме да му помогнеме. Длабоко сме заинтересирани за продолжување на евроатлантскиот курс на земјата, за отворање на преговорите за членство во ЕУ, за решавање на спорот со Бугарија и за политичка и економска стабилност.
Ова во интервју за белградска „Политика“ го истакнува Африм Гаши, лидерот на Алтернатива, која вечерва на состанок на раководството треба да донесе одлука дали ќе се приклучи на парламентарното мнозинство и во владината коалиција или ќе остане во опозиција.
– Ние не покажавме интерес за влез во владата. Но, бидејќи сме во позиција во која од нас зависи блиската иднина на државата, се договоривме да разговараме со Зоран Заев, премиерот во оставка, да го слушнеме неговиот концепт за нова влада, да разговараме како Алтернативата може да помогне. Но, ако СДСМ и ДУИ сакаат само четири пратенички гласа, а не сакаат нашите програмски определби да бидат ставени во владината програма и ако не се подготвени да воспостават рамнотежа меѓу политичките актери на власт, ние немаме посебен интерес да влеземе во таа влада. Затоа, не можам да го прејудицирам исходот, вели Гаши.
За релациите со ВМРО-ДПМНЕ, пак, лидерот на Алернативна посочи дека комуникацијата е на ниво на опозициски партии во рамки на договорот за меѓусебна поддршка на локалните избори.
– Ќе имаме соработка со ВМРО-ДПМНЕ во повеќе општини меѓу кои и Скопје. Бевме заинтересирани да ја урнеме оваа власт, што, за жал, не се случи, од веќе познати причини, вели Африм Гаши за „Политика“.
Ново на Сител
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје
-
Русија тврди дека Украина го нападнала Крим со американски ракети