Филмска кражба во Тетово: Им влегле на спиење а потоа ги врзале и ограбиле
Утрово околу 03 часот 40 минути во СВР Тетово пријавено е дека во куќата сопственост на лицето 69- годишниот Р.И на улица Мирче Ацев број 58 од страна на непознати лица извршено е кривично дело Разбојништво.
Според првичните сознанија, околу 03,00 часот додека домашните спиеле од страна на непознати сторители кои носеле маски на главата со употреба на тврд предмет и физичка сила е влезено во куќата. Имено откако од еден од сторителите била откорната рамката на прозорот од купатилото во приземјето тој влегол внатре и потоа ја отворил влезната врата по што внатре влегле другите тројцата сторители . Во тој момент се разбудил сопственикот на куќата и кога излегол во ходникот ги затекнал четирите лица со црни фантомки на главата со ракавици на рацете и двајца од нив ги удриле Р.И. и неговата сопруга М.И. а потоа им ги врзале рацете и почнале да извршуваат пребарување.
На првиот кат ги врзале и неговиот син М.И. и снаа Р.И. и нивните две малолетни деца, и по пребарување одзамале поголема количина разновиден златен накит, поголема количина женски и машки часовници, 10.000 евра, мобилни телефони и возило “Ренџ Ровер“, при што според првични проценки се стекнале со противправна имотна корист од над 9.000.000 денари.
СВР Тетово во сосдејство со ЈО презема мерки за расчистување на случајот.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка