Свечена академија по повод празникот „Св. Климент Охридски“ под покровителство на претседателката

Во пресрет на утрешниот празник Св. Климент Охридски вечерва во Музејот на македонската борба за самостојност, под покровителство на претседателката Гордана Сиљановска-Давкова ќе се одржи свечена академија.

На свечената академија најавено е обраќање на претседателката во 18:30 часот. 

Во рамки на чествувањето на празникот утре со почеток во 11:30 часот, делегации од Кабинетот на Претседателот, Собранието, Владата, Генералштабот на Армијата, МПЦ-ОА, како и претставници на институциите, дипломатскиот кор и на политичките партии ќе положат цвеќе пред споменикот на Свети Климент Охридски во дворот на НУБ „Св. Климент Охридски“.

Празникот Св. Климент Охридски е прогласен за државен празник во земјава.

МИА