Европол уапси 19 членови на група која криумчарела мигранти
Една од најголемите шверцерски организации во Европа е разбиена, а во Германија се уапсени 19 лица, меѓу кои лидерот и четворица главни организатори на шверцот, соопшти денеска Европол.
Апсењата се извршени во соработка со германската, француската и белгиската полиција.
„Истрагата се фокусираше на ирачко-курдска мрежа осомничена за криумчарење мигранти од Блискиот Исток и Источна Африка од Франција во Велика Британија со помош на неквалитетни чамци на надувување“, соопшти агенцијата за спроведување на законот на ЕУ.
Осомничените во истрагата, која почнала кон крајот на 2022 година, организирале купување, складирање и транспорт на гумени чамци, главно од кинеско потекло, кои подоцна ги користеле за криумчарење мигранти од плажите во близина на францускиот град Кале до бреговите на Британија.
Во просек, членовите на оваа организација би превезувале 50 мигранти со чамци за максимум 10 патници, и наплаќале меѓу 1.000 и 3.000 евра по лице, соопшти Европол. Белгиските федерални обвинители во одвоено соопштение соопштија дека Талас, оперативната група која стои зад апсењата, пребарала 28 локации во Германија и запленила 24 чамци на надувување, големо количество наутичка опрема, 60 електронски уреди, оружје и неколку илјади евра во готовина.
Во акцијата учествувале околу 900 германски полицајци, се додава во соопштението.
Претходно овој месец, граничната агенција на ЕУ Фронтекс соопшти дека илегалната имиграција во Унијата од Западна Африка е зголемена за повеќе од 10 пати. Фронтекс истакна дека очекува вкупниот број пристигнувања дополнително да се зголеми во 2024 година и дека е невозможно целосно да се запре движењето на луѓето.
Ново на Сител
-
Македонски тим од неврохирурзи и невролози добитници на 2-ра награда на Меѓународниот конгрес по невронаука | ФОТО
-
Приведен 42-годишник од Тетово, управувал со возило под дејство на алкохол
-
„Велт ем Зонтаг“: Бројот на натурализации во Германија достигна нов рекорд - речиси 250.000 во 2024 година
-
Јаневска: Модернизација на студиските програми и повеќе пракса во компании ќе ги задржи студентите на нашите универзитети
-
Џефри Сакс: „Четворицата мускетари“ нема да обезбедат воена победа за Украина
-
За околу два часа распродадени картите за концертот на Металика во Атина
-
Трибина за Оперативниот план 2025: Младите да останат во земјава, луѓето во социјален ризик економски да се осамостојат
-
Турските власти издадоа налози за апсење на 47 опозициски функционери, досега приведени 28