Денови на современата бугарска книжевност во НУБ „Св. Климент Охридски“
Во Националната и универзитетска библиотека „Св. Климент Охридски“ денеска и утре ќе се одржува манифестацијата „Денови на современа бугарска книжевност во Македонија“, која НУБ ја организира заедно со Националната библиотека „Св. Кирил и Методиј“ од Софија со поддршка на Министерството за култура на Република Македонија.
НУб најави дека манифестацијата ќе опфати повеќе активности - денеска ќе биде потпишан нов договор за соработка меѓу двете библиотеки и ќе биде отворена изложба на книги преведени од бугарски на македонски јазик во последните две и пол децении.
Утре ќе биде организирана книжевна средба со три современи бугарски авторки - Силвија Томова, Вања Аврамова и Поли Муканова, кои ќе читаат извадоци од своите дела, а осврт за бугарската книжевност ќе има поетот и книжевен критичар Бранко Цветкоски.
По книжевната средба утре ќе следува и трибина на тема „Читаност и афирмација на македонските и бугарските автори во други културни средини“, со учество на писатели, преведувачи, издавачи...
Дводневната манифестација денеска со поздравни обраќања ќе ја отворат Иван К. Заров и Красимира Александрова, директори на двете национални библиотеки, и Иван Петков, амбасадор на Бугарија во Македонија.
- Со овој настан сакаме да иницираме продлабочување на книжевните врски и запознавање на македонската јавност со книжевните достигнувања на авторите од Бугарија. Покрај тоа, со конкретна комуникација да го поддржиме меѓусебното приближување, размената и преводот на врвни книжевни дела, како и отворањето нови можности за уште поголема културна соработка, соопшти НУБ „Св. Климент Охридски“.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера