Авганистан: САД одобрија исклучок од санкции за хуманитарна помош
САД одобрија два исклучоци од економските санкции воведени против талибанците, кои ја преземаа власта во Авганистан, со цел да се олесни испораката на хуманитарна помош.
Првиот исклучок им овозможува на американската Влада, невладини организации и одредени меѓународни организации и субјекти „да обезбедат хуманитарна помош за Авганистан и други активности кои придонесуваат за задоволување на основните потреби“ во земјата, се вели во соопштението на американското Министерство за економија.
Со вториот исклучок се одобруваат одредени трансакции поврзани со извоз на земјоделски производи (храна, семиња, ѓубрива), лекови и медицинска опрема, се додава во соопштението.
Министерството „останува посветено на ставот дека американските санкции не треба да бидат пречка за можноста цивилите во Авганистан да добијат хуманитарна помош од американската влада и меѓународната заедница, додека продолжуваат рестрикциите кон талибанците и другите санкционирани субјекти на кои им е забранет пристап до одредени средства“.
Авганистан, кој веќе е многу сиромашна земја, се соочува со уште поголема несигурност поради економските санкции и прекинот на многу хуманитарни програми откако талибанците ја презедоа власта.
Светската банка и Меѓународниот монетарен фонд ја прекинаа помошта, а САД ги замрзнаа резервите на авганистанската централна банка кои се наоѓаат во Вашингтон.
Ново на Сител
-
МФ: Исплатата на плати, како и другите буџетски расходи се реализираат врз основа на обезбедени средства во буџетот
-
САД најавуваат 2,2 милијарди долари за ново оружје и муниција за Украина
-
На 9.април ќе се трча 11.то издание на Женска трка
-
Почина модниот креатор Пако Рабан
-
Почина Гоце Камчев, основач и претседател на „КАМ маркет“
-
Уапсен 19 годишник од Слупчане - при претрес во неговиот дом била пронајдена дрога
-
Кина: Наводниот шпионски балон над САД е метеоролошки уред
-
Мицкоски: Власта не ги решава проблемите на земјоделците