Адвокати во Њујорк побараа одземање на адвокатската лиценца на Руди Џулијани
Група истакнати адвокати побараа од властите во Њујорк да му ја одземат лиценцата на Руди Џулијани за вршење на адвокатска работа, поради изнесените лаги за време на судските процеси поднесени од поранешниот американски претседател Доналд Трамп по претседателските избори во ноември.
„Адвокатите за одбрана на американската демократија“, исто така, повикаа на истрага за Џулијани, кој служеше како федерален обвинител и градоначалник на Њујорк пред да биде ангажиран од Трамп како личен адвокат.
„Оваа жалба се однесува на законот, а не на политиката“, напишаа тие во писмото до Комисијата за жалби на адвокатите на Врховниот суд на државата Њујорк. Писмото го потпишаа повеќе од 40 адвокати.
Адвокатите кои не се поврзани со групата, вклучително и адвокат кој брани други колеги од поплаки за етички прекршувања, коментираат дека писмото може да има сериозни последици за Џулијани. Адвокатската комисија за жалби, што е дел од државното судство на Њујорк, има овластувања да им ги одземе лиценците на адвокатите.
Ново на Сител
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228
-
Папата им го честиташе Велигден на православните христијани
-
Скопјанец измамен во менувачница од двајца странски државјани