Второ злато за Фарах на СП во Пекинг

Британецот Мо Фарах ја потврди доминацијата на трката на 5.000 метри, тој на атлетскиот Мундијал го освои златниот медал во оваа дисциплина и воедно ги обедини титулите, откако минатата недела победи и на трката на 10.000 метри.

 

Фарах е доминатен на патека од 5.000 метри бидејќи на оваа делница не е поразен уште од 2011 година. Во финалето во Пекинг тој забележа резултат од 13:50.38 минути.

 

Мо Фарах го освои третиот златен медал на атлетските Мундијали, во оваа дисциплина, со што постави нов рекорд. 

 

Среброто во Пекинг го освои Кениецот Келеб Ндику, додека бронзата му припадна на Хагос Генбрихивет од Етиопија.