„Волстрит џурнал“: Грција е на чекор од излез од спасувачката програма
По речиси осум години економски и политички тензии, Грција сега е на чекор од тоа „да ги скине оковите“ на спасувачкиот режим, кој беше трауматичен за нејзините граѓани, пишува весникот „Волстрит џурнал“.
Весникот оценува дека клучен елемент за излез на Грција од програмата за спас ќе биде успешното завршување на третиот преглед на нејзината програма на 22 јануари.
Во написот се наведува дека Грција, но и европските држави се во огромно очекување да ја остават зад себе грчката драма. Тие веруваат дека е можно Атина да излезе од спасувачката програма во август, кога и истекува нејзиниот рок..
„Волстрит џурнал“ појаснува дека Владата во Атина сака излегувањето од програмата да биде „чисто“, без евентуална четврта таква програма, што би значело функционирање без економски мерки и друго кредитирање. Но, бидејќи Владата и ММФ се залагаат за натамошно намалување на грчкиот долг, многумина високи претставници, како што е поранешниот шеф на Еврогрупата Томас Визер, изјавија дека намалувањето на долгот ќе биде проследен со повеќе обврски од грчка страна.
Американскиот весник коментира дека следните месеци ќе се види дали Грција ќе излезе од програмата „чисто“, како што посакува или сепак ќе мора да прифати друг спасувачки режим, заради превенирање на нова должничка криза.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка