„Водици во Прилеп“ најмаска на карневалот „Прочка“
Групната маска „Водици во Прилеп“ на прилепското здружение „Прочкари“ е избрана за најдобра маска на денешниот карневал „Прочка 2019“ на кој учествуваа околу 600 маски од земјава и од Балканот. Во изведувањето на маската учествуваа 30 членови на здружението.
Според претседателот на карневалското жири Хилда Црнеска, по денешниот успешен настап на маските доделени се награди за најдобри современи и најдобри традиционални маски. Најдобра традициона маска е маската на учесниците од селото Куратица, Охридско, второто место го освоија гостите од Турција, а третото е за Џаламарите од кавадаречки Сопот.
Групната маска „Метаморфоза“ на учесниците од Лесковац, Србија е најдобра современа маска на прилепскиот карневал. Второто место е за учениците од прилепското средно училиште „Ѓорче Петров“ кои ја направија маската „Пролетна забава“, а третото е за „Малата сирена“ на прилепското танцово студио „Зодијак“.
На вчерашниот детски карневал, најмаска беше „Мадагаскар“на учениците од основното училиште „Блаже Конески“.
Наградите вечерва ќе ги додели прилепскиот градоначалник Илија Јованоски на заедничката забава на маските со што и официјално заврши годинашниов 18. меѓународен карневал „Прочка 2019“ на кој имаше бројни посетители од земјава и соседните земји.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера