Весна Пусиќ ќе се кандидира за генерален секретар на ОН
Шефицата на хрватската дипломатија Весна Пусиќ во интервју за британскиот весник „Индепендент“ потврди дека ќе се кандидра за генерален секретар на Обединети нации.
- Ќе се кандидирам за тоа место. Тоа би била фантастична работа, златна можност. Ќе ми биде голема чест што ќе учествувам во процесот, посочи Пусиќ.
Таа наведе дека повоеното искуство во политиката ќе и биде од голема корист и важна подготовка за ОН.
- Можеби е премногу да се очекува генералниот секретар да може да ги менува државите, но уверена сум дека разбира како функционираат работите, пред или по судирите и тоа може да биде од корист, посебно во разговорите со луѓето во тие земји, кои се погодени од судири, наведе Пусиќ.
„Индепендент“ пишува дека Пусиќ има добри шанси да биде избрана поради праксата за регионална ротација при избор на генерален секретар односно кандидатот да биде од Источна Европа, а постои и се поголема поддршка на тоа место да биде избрана жена.
Противниците од Хрватска ја обвинуваат Пусиќ дека кокетира со меѓународната заедница во момент кога треба да се фокусира на хрватската дипломатија, бидејќи Загреб и понатаму има сложени односи со соседните држави.
Ново на Сител
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола