Седници на четири собраниски комисии
Во Собранието денеска седници ќе одржат комисиите за прашања на изборите и именувањата, за труд и социјална политика, за одбрана и безбедност и Законодавно-правната комисија.
На дневен ред на Комисијата за прашања на изборите и именувањата се утврдување предлог за избор на член на Судскиот совет и утврдување предлози за избор на членови на Советот на јавните обвинители. Членовите на оваа Комисија ќе разгледуваат и барања од пратеници за остварување на надоместокот за закупнина на стан, барање од поранешен пратеник за исплата на отпремнина поради заминување во пензија и иницијатива за утврдување предлог кандидат за избор на потпретседател на Собранието, поднесена од пратеничката група на Алијанса за Албанците и Алтернатива.
Членовите на Комисијата за труд и социјална политика ќе дискутираат по Предлог-одлуката за давање согласност на Одлуката за висината на месечниот надомест што го наплатува Агенцијата за супервизија на капитално финансирано пензиско осигурување од пензиските друштва за 2020 година, Предлог-законот за спречување и заштита од насилство врз жените и семејното насилство, во прво читање. Членовите ќе дискутираат и за Предлог-законот за изменување и дополнување на Законот за социјалната заштита и Предлог-законот за дополнување на Законот за заштита на децата, и двата по скратена постапка и во второ читање.
На дневен ред на Комисијата за одбрана и безбедност се Предлог-законот за изменување на законот за пријавување на живеалиштето и престојувалиштето на граѓаните, како и измените и дополнувањата на Законот за безбедност на сообраќајот на патиштата и на Законот внатрешни работи, поднесен од група пратеници, сите во второ читање.
Законодавно-правната комисија ќе ги разгледа предлог-законските решенија кои се на дневен ред на претходните комисии.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување