Се проверуваат обвинувањата на Курдите за употреба на хемиско оружје во Сирија
Стручњаци на Организацијата за забрана на употребата на хемиско оружје (OPCW) соопштија дека ги проверуваат наводите на курдските сили дека Турција при офанзивата на североистокот од Сирија употребувале хемиско оружје.
„Стручњаците работат на утврдување на веродостојноста на наводите за ситуацијата на северот од Сирија“, се наведува во соопштението во кое не се вели дека е отворена истрага, туку само дека се надгледува ситуацијата.
Курдските власти во Сирија на 17 октомври ја обвинија Турција дека користи неконвенционално оружје, каков што е белиот фосфор и напалмот, во офанзивата на североистокот на земјата.
Француските медиуми тогаш пренесоа дека обвинувањата на сметка на турските и протурските сили не се проверени од независни извори.
Опозцискиот Сириски центар за мониторинг на човековите права, што има широка мрежа на извори на теренот, не ја потврди употребата на таков вид оружје. Меѓутоа, Центарот наведе дека во тој дел од земјата има многумина повредени со изгореници и дека тие се префрлени во болницата во Тал Тамра.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување