СДСМ: Последните изјави уште еден доказ дека ВМРО-ДПМНЕ стои зад упадот во Собранието
СДСМ смета дека последните информации во медиумите уште еднаш потврдуваат дека ВМРО-ДПМНЕ и Никола Груевски стојат зад насилниот упад во Собранието на 27 април и крвничките напади што се случија на овој ден и побара одговорност од инволвираните.
- Објавените изјави покажуваат дека спротивно на државните и националните интереси на Република Македонија, спротивно на интересите на граѓаните, структури на тогашната власт на ВМРО-ДПМНЕ, во институциите, дозволила странски разузнавач да влезе во Собранието. Крвавите настани во Собранието беа резултат на насилството на кое подолг период повикуваше Никола Груевски, како и провокациите, омразата, поделбите поттикнати од ВМРО-ДПМНЕ и од нивните соработници, се вели во соопштението од СДСМ.
Од партијата додаваат дека Македонија избрала промени и сега, како што посочуваат, чекори по нов пат, на нови вредности кои значат единство, почитување, мир и толеранција.
Но, додаваат, одговорност за сите што учествувале во насилство во Собранието, како и за сите други злодела нарачани и спроведени од раководството на ВМРО-ДПМНЕ мора да има, за никогаш повеќе да не се повтори.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228