Нови 46 случаи на голема кашлица од 12 до 18 април, хоспитализирани девет лица
Од 12 до 18 април пријавени се 46 нови случаи на голема кашлица во државава, со зголемување од 4,5 отсто споредено со претходната недела, информираа попладнево од Институтот за јавно здравје (ИЈЗ).
Најголем дел од случаите се пријавени во рамки на епидемијата во Скопје - 37, а пријавени се случаи и во Битола - три, Куманово - два и по еден случај во Тетово, Крива Паланка, Прилеп и во Струмица. Возраста на заболените се движи од еден месец до 73 години, а најголем број случаи се од возрасната група од 10 до 14 години. Во однос на вакциналниот статус на заболените, 31 лице е некомплетно вакцинирано, невакцинирани или има непознат вакцинален статус, 13 се комплетно вакцинирани и две се вакцинирани согласно возраст. Од новите 46 случаи, девет случаи се хоспитализирани.
Заклучно со 18 април, во државава се регистрирани вкупно 489 случаи на голема кашлица, со инциденца од 26,6/100 000 жители. Тоа претставува неколкукратно зголемување на бројот на заболени во однос на изминатиот петгодишен период 2019-2023 година, кога се регистрирани вкупно 10 случаи.
Најголем број лица живеат во Скопје - 392 со зафаќање на седумнаесет различни општини. Во рамки на епидемијата во Куманово се пријавени 27 заболени лица, а случаи се пријавени и во други 15 градови низ државата.
- Од пријавените 489 случаи, лабораториски се потврдени 487 случаи. Од 18 јануари до 18 април, дадени се вкупно 41.044 дози вакцина што содржи компонента против голема кашлица, пишува во извештајот на ИЈЗ.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување