Намалeн бројот на новозаразени со Ковид-19, болниците се враќаат во нормална работа
Бројот на новодијагностицирани случаи со корона вирусот навистина е мал и тоа се чувствува по притисокот во болниците. Огромен број на ковид-центри се вратени во нормална работа, целата хируршка клиника, добар дел од интерните клиники. Во нормална функција е вратен и Центарот за рехабилитација во Козле и Детската болница во Козле, а веројатно до крајот на оваа недела во нормала ќе се врати целата зграда на интерните клиники.
Ова денеска го најави министерот за здравство Венко Филипче пред Арена А1 СЦ „Борис Трајковски“.
– Капацитетот на исполнетост во болниците ширум државата е некаде меѓу 20 и 30 отсто, што значи дека само во делот на инфективните одделенија или во делот на модуларните, во зависност од организацијата, се третираат ковид-пациенти. Спласнува притисокот, тоа го детектираме и од анализата која произлегува од епидемиолошката ситуација во околните земји, во целиот овој регион има стивнување на состојбата, изјави Филипче.
Министерот Филипче посочи на еден од заклучоците што беше донесен на минатиот состанок на Комисијата за заразни болести, а тоа е дека овие мерки кои се сега во сила, треба да останат со важност до 1 јуни.
Филипче рече дека се уште е во сила препораката за карантин од 14 дена за сите оние патници кои доаѓаат од Африка, Индија и Јужна Америка. Нашите сознанија, како што рече, досега се дека најопасна варијанта на вирусот во моментов е индиската, но засега ниту кај нас, ниту во регионот, ниту во делот на Југоисточна Европа нема некаква најава дека се случува нешто драматично во смисла на влошување на состојбата.
Ново на Сител
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари