Најмалку 63 луѓе го загубија животот во невреме во Пакистан
Најмалку 63 лица го загубија животот во невреме што трае веќе четири дена во Пакистан. Во последните 24 часа загинаа 14 лица.
Повеќето од жртвите се во провинцијата Хајбер Пахтунхва, северозападно од Пакистан, каде се оштетени 1.370 куќи. Десетици луѓе се повредени.
Во Балуџистан е прогласена вонредна состојба поради поројните поплави. Обилен дожд врне и во хималајската област Кашмир.
Пакистан очекува обилни дождови во април поради климатските промени. Досега, во Балуџистан имаше 256 отсто повеќе дожд од нормалните количини, изјави метеорологот Захир Ахмед Бабар.
Пред две години, 1.739 луѓе го загубија животот во поплавите што потопија третина од Пакистан. Поплавите тогаш предизвикаа штета од 30 милијарди долари.
Обилни дождови овој месец наврнаа и во соседен Авганистан, каде досега животот го загубија 33 лица.
Ново на Сител
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции