Мемети: Заштитата на децата мора да има приоритетно значење при носењето на одлуките
По повод Светскиот ден на детето, денеска во Домот на Армијата беше организирана свеченост на која настапија деца од повеќе градинки и училишта кои испратија порака за еднакви права на сите деца.
Народниот правобранител Иџет Мемети во кусото обраќање на свеченоста рече дека ова е добра можност носителите на власта и на одлуки да се потсетат дека децата и нивните интереси мораат да имаат приоритетно значење и дека тие секогаш треба да внимаваат на заштитата на правата на децата.
– Денеска на одбележувањето на Светскиот ден на детето и 30 години од усвојувањето на Конвенцијата за правата детето на ОН, институцијата Народен правобранител тргнувајќи од четирите основни принципи на конвенцијата, правото на живот, опстанок и развој, недискриминација, учество и најдобар интерес на детето, избра да го одбележи овој голем ден на начин што вие децата ќе го имате главниот збор, а ние повозрасните ќе слушаме. Ме радува што овој настан со свое учество и присуство го збогатуваат голем број деца од детски градинки, основни и средни училишта и тоа што пројавиле интерес преку барање од децата за детските права да се обратите до оние кои одлчучуваат за вашите права, рече Мемети.
Денешниот ден, нагласи тој, е добра можност да ги потсетиме носителите на власта и тие што донесуваат и носат одлуки дека децата и нивните интереси мораат да имаат приоритетно значење, а при донесувањето на одлуките кои се однесуваат на децата секогаш внимателно да оценат како тие ќе се одразат во животот на децата.
– Одговорноста за почитувањето, остварувањето и заштитата на правото на детето е наша, на возрасните, тргнувајќи од оние кои носат одлуки и применуваат прописи, па се до оние кои се грижат за децата. Иако сте деца вие сте нашите следбеници, важни чинители на нашето општество, рече Мемети.
Настапот на децата го проследи и претседателот на Собранието Талат Џафери, кој подоцна пред Собранието ќе ги прими нивните барања.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување