ОН: Израелскиот напад врз Рафа ќе ги загрози животите на стотици илјади Палестинци
Израелскиот упад во градот Рафа ќе ги загрози животите на стотици илјади жители на Газа и хуманитарните операции во палестинската енклава, предупреди денеска Јенс Лерке, портпарол на Канцеларијата на ОН за координација на хуманитарни прашања.
„Може да дојде до масакр на цивили и тоа би бил неверојатен удар за хуманитарните операции во целиот Појас Газа, бидејќи тие главно почнуваат од Рафа“, рече Лерке на прес-конференција во Женева.
Тој истакна дека помошта што доаѓа од Рафа опфаќа медицински клиники и центри за неухранети деца и нагласи дека овој град е седиште на дистрибуција на храна за целата област на енклавата.
Светските агенции наведуваат дека Израел претходно предупредил дека наскоро ќе започне копнена офанзива во Рафа, каде што повеќе од милион луѓе се соочуваат со глад, заразни болести и секојдневни воздушни напади.
Ново на Сител
-
До 11 часот на гласање излегле 16,46 отсто од гласачите во седумте избирачки места каде се прегласува
-
Избувнал пожар во женското одделение во затворот „Идризово“
-
Велигденов: Вработените во подружниците на Македонска пошта протестираат, на 7 јуни ќе организираат штрајк
-
Норвешка ја призна палестинската држава
-
Србин исчезна во Грција, отишол на аџилак на Света Гора, му се губи секаква трага
-
ДИК: Излезноста до 9 часот е 7,22 проценти, поголема во однос на 8 мај
-
ЦУК: Жителите на Куманово да не ја пијат водата од ЈП „Водовод“
-
Одбележување на денот на семејството, НТЦ семинар со д-р Ранко Рајовиќ