Грчката фрегата соборила беспилотно летало во Црвеното море во рамките на операцијата „Аспидес“
Грчката фрегата „Идра“ што е дел од операцијата „Аспидес“ (Штитови) на поморските сили на Европската унија (ЕУНАВФОР) во Црвеното море, утрово интервенирала против две беспилотни летала, од кои едното го соборила, јави дописничката на МИА од Атина.
Од ЕУНАВФОР преку социјалните мрежи соопштија дека помеѓу 5 и 5:30 часот утрово, грчката фрегата додека обезбедувала заштита на трговски брод во Аденскиот Залив пукала кон две беспилотни воздушни летала (UAVs), кои претставуваат непосредна закана за слободата на навигацијата.
– Првото беспилотно летало беше соборено, додека второто го промени својот курс.
Акцијата што ја изврши „Идра“ беше ефикасна за да се избегне каква било штета на морнарите и трговскиот превоз, соопштија од ЕУНАВФОР.
Паралелно додадоа дека операцијата има одбранбена задача со цел да ги заштити бродовите што се на мета на напади од море или воздух.
Според грчката новинска агенција АНА-МПА, фрегатата регуларно ја продолжува својата мисија.
Ова е втора интервенција на грчката фрегата во Црвеното море, откако на средината на март отворила оган против две беспилотни летала (UAVs), што биле упатени кон трговски бродФрегатата Идра на грчката воена морнарица од минатиот месец е во Аденскиот залив, во рамки на европската операција „Аспидес“ („Штитови“) за заштита на меѓународната пловидба во Црвеното море.
Ново на Сител
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим
-
9 месечно бебе донесено во итната помош без знаци на живот
-
Полициска службеничка мамела социјалци за станови