Давид го знае цела поранешна Југославија: Еве како изгледа денес слаткото бебе од Бекутан
Ретки се семејствата во поранешна Југославија во чиј дома не влегол барем еден производ на најпознатиот бренд на детската козметика Бекутан.
Од нивните шампони, сапуни, влажни марамчиња, пасти за заби или пелени гледа преслатко бебе.
Тоа бебе, кое повеќе од деценија плени со својот изглед е Давид Галевски од Скопје. Бебето во меѓувреме пораснало во заводливо момче, но и ден денес му останал надимакот Давид Бекутан.
Изборот неговиот лик да го краси брендот на детската козметика Бекутан бил сосема случаен.
Давид во 1999. година бил избран за најубаво бебе од тогашниот магазин Практична жена, а таа фотографија како што кажал неговиот татко Крсте Галевски за вест, ја виделе луѓе од Алкалоид и одлучиле тој да биде заштитно лице на нивните производи.
Фотографијата е направена во неговиот дом, кога Давид имал 10 месеци, чекал неговата мајка да го облече по вечерното бањање. Неговиот лик најпрво се нашол на рекламен постер, а потоа на сите производи на детската козметика.
Давид денес е средношколец, но и понатаму е омилен и популарен кај неговите врсници кои како и он пораснале со производите на детската козметика.
Ново на Сител
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи
-
До утре комплетен список на министрите на Владата на Мицкоски
-
Тивок бојкот во СДСМ
-
Ќе плаќаме ли поскапа струја од 1 јули?
-
Зголемен обем на работа во ГОБ 8 септември поради хаосот со салите на Клинички, а кадарот масовно си заминува
-
Спасителите на вода неопходност за безбедни капалишта
-
Националната земјоделска мрежа ги утврди производната и откупната цена на пченицата