„Данас“: Претседателските избори во Србија ќе се одржат на 2 април
Редовните претседателски избори во Србија најверојатно ќе се одржат на 2 април, објави електронското издание на весникот „Данас“ повикувајќи се на неименувани извори во Кабинетот на српскиот премиер Александар Вучиќ.
Според истите извори, претседателката на српското Собрание, Маја Гојковиќ в четврток ќе го објави 2 април како датум за одржување на изборите. Согласно законот, краен рок за распишување на изборите е токму четврток 2 март.
- Тоа ќе значи дека доколку има втор круг од изборите, тој би се одржал на 16 април, односно на Великден, наведува „Данас“.
Српските медиуми изминативе недели шпекулираа за можноста заедно со претседателските во Србија да се одржат и предвремени парламентрани избори, но Вучиќ вчера ја отфрли таквата можност.
- Не постојат никакви причини за одржување предвремени парламентарни избори, порача Вучиќ, кој е кандидат за преседател на Србија на владејачката коалиција предводена од неговата Српска напредна партија (СНС).
Според анкетите на јавното мислење, Вучиќ би можел да биде избран за претседател уште во првиот круг, имајќи дека ужива поддршка на нешто над 50 проценти од гласачите.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет