Црногорската опозиција не ги признава изборните резултати
Претставници на Демократскиот фронт, Големата коалиција Клуч, Демократите и Социјалдемократската партија на вечерашниот состанок донесоа едногласна одлука да не ги признаат резултатите од парламентарните избори во Црна Гора, одржани вчера.
Тие тврдат дека изборниот процес бил проследен со низа злоупотреби, кои, како што наведуваат, „по содржината и бројот ги надминале сите претходни изборни процеси во историјата на парламентаризмот во Црна Гора“.
„Посебно, имајќи предвид фактот дека одделни медиуми уште во саботата најавија, а државните органи на Црна Гора вчера соопштија, дека за време на изборниот ден се случил обид за државен удар. Јасно е дека во атмосфера на државен удар, на самиот изборен ден, не можат да се одржат слободни, фер и чесни избори“, оцени опозицијата.
Тие бараат независна комисија, во рамки на која треба да се вклучат и претставници на меѓународната заедница, да ги констатира и испира сите факти во врска со наведениот државен удар и на јавноста да соопшти кои се извршителите, и кои се налогодавачите на тоа кривично дело.
Ново на Сител
-
Кривична пријава против двe лица кои со измама изнудувале пари од охриѓани
-
Сообраќајка на патот Битола - Демир Хисар, сообраќајот во прекин во двата правца
-
Прв закон за реорганизација на управата
-
Демири бара од Владата итно да се смени компресорската станица за да проработат хируршките сали
-
Претседател на Уставен суд не се одбра, седницата продолжува утре
-
Пропаднаа два обиди да се избере претседател на Уставниот суд
-
ДИК: Завршија парламентарните избори, Азизи нов пратеник на местото на Касами
-
Велосипедист удрил дете и избегал, девојчето тешко повредено