Чавушоглу: Привременото запирање на операцијата не е примирје
Шефот на турската дипломатија Мевлут Чавушоглу изјави дека „Турција ќе ја заврши операцијата на северот на Сирија, откако терористите на ЈПГ/ПКК ќе го напуштат тоа подрачје”, јави агенцијата Анадолија.
– Согласни сме во врска со собирањето на тешкото оружје на ЈПГ (Единици за народна заштита н.з.), уништување на нивните позиции и тврдини – изјави Чавушоглу пред новинарите по состанокот на делегациите на САД и Турција во Анкара.
На состанокот во Анкара е договорено дека турската операција „Извор на мирот” на северот на Сирија ќе биде запрена на 120 часа.
– Меѓутоа, привременото запирање на операцијата не значи повлекување на нашите војници и нашите сили. Ќе бидеме таму и понатаму, ќе продолжиме да делуваме – рече Чавушоглу, додавајќи дека привременото запирање на операцијата не е примирје, затоа што како што рече, примирје може да се прави само помеѓу две легитимни страни.
Тој нагласи дека Турција никогаш нема да влегува во било какви преговори со терористите.
Турскиот претседател Реџеп Таип Ердоган во Анкара го прими потпретседателот на Соединетите Американски Држави (САД), Мајк Пенс. Состанокот на Ердоган и Пенс траеше околу еден час и 40 минути, потсетува Анадолија.
На состанокот присуствуваше и специјалниот претставник на САД за Сирија, Џемјс Џефри, по што е одржана и средба на делегациите на двете земји.
Пенс и државниот секретар на САД, Мајк Помпео вчера допатуваа во официјална посета на Република Турција.
Претходно во Турција допатува и советникот на Белата куќа за национална безбедност, Роберт О’Брајан, кој се состана со шефот на турската дипломатија, Мевлут Чавушоглу, турскиот министер за одбрана, Хулуси Акар и портпаролот на турското Претседателство, Ибрахим Калин.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп