-->
-->
Бекер и понатаму во тимот на Ѓоковиќ
-->
Легендарниот германски тенисер Борис Бекер потврди дека и во наредната сезона ќе биде дел од стручниот штаб на најдобриот светски тенисер Новак Ѓоковиќ. Српскиот тенисер и Бекер соработката ја започнаа во 2013 година, оттогаш Ѓоковиќ играл шест финалиња на Грен слем турнироте и освоил четири титули.
„Продолжуваме да работиме заедно и во 2016 година. Новак има одличен тим и горд сум што сум тука“, изјавил Бекер за Bild.
Под водство на Бекер, Ѓоковиќ се врати на првото место на АТП листата и ја зголеми предноста во однос на најголемите ривали Роџер Федерер и Енди Мари.
Германскиот тенисер е поранешен број 1, во кариерата освоил шест Грен слем титули, носител е на златен олимписки медал во игра на двојки, а со 17 години, во историјата е запишан како најмладиот шампион на Вимблдон.
Во богатата кариера Бекер забележал 713 победи и освоил 64 титули, а со Германија двапати ја освојувал титулата во Девис купот (1988, 1989).
-->
-->
-->
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје