-->
-->
Златната топка за Меси
-->
Лионел Меси е најдобриот фудбалер за 2015 година во изборот на ФИФА. Аргентинецот на тронот го наследи Кристијано Роналдо кој во изминатите две години ја добиваше оваа престижна награда.
На гала церемонијата која се одржа во седиштето на ФИФА во Цирих, Меси петти пат во кариерата ја освои „Златната топка“, претходно беше прогласуван за играч на годината во периодот од 2009 до 2012 година.
Меси во 2015 година со Барселона успеа да освои пет од можните шест клупски трофеи, а со репрезентацијата на Аргентина играше во финалето на Копа Америка.
Изминатата година Аргентинецот за Барселона и националниот тим одигра 61 натпревар, постигна 52 гола и запиша 26 асистенции.
Меси наградата ја осови пред Кристијано Роналдо и соиграчот од Барселона Нејмар.
Тројцата најдобри за 2015 година го предводат нападот на идеалниот тим на ФИФА:
Нојер (Баерн) – Дани Алвес (Барселона), Тијаго Силва (ПСЖ), Серхио Рамос (Реал), Марсело (Реал) – Модриќ (Реал), Иниеста (Барселона), Погба (Јувентус) – Нејмар (Барселона), Меси (Барселона), Кристијано Роналдо (Реал).
Во женска конкуренција „Златната топка“ ја освои Карли Лојд, која ја предводеше репрезентацијата на САД до светската титула.
Луис Енрике, кој ја предводеше Барселона до петте трофеи е прoгласен за најдобар тренер во машка конкуренција, за него останаа Пеп Гвардиола и Жорге Сампаоли, додека во женска конкуренција наградата и припадна на селекторката на САД, Џил Елис.
Вендел Лира, фудбалерот на Гоианесија, ја доби наградата „Ференц Пушкаш“ за најубав гол кој е постигнат изминатата година. Бразилецот победи во конкуренција на Алесандро Флоренци и Лео Меси.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп