Миновски: Јанева и СЈО одлучија да одиграат пристрасно и политички
ВМРО-ДПМНЕ реагирајќи повторно на одлуката на Специјалното јавно обвинителство да го повлече обвинението за предметот „Пуч“ смета дека обвинителката Катица Јанева во овој случај се определила за Зоран Заев, а можела „да избира помеѓу професионалното и законско работење или помагањето и прикривањето на криминалот на нејзиниот штитеник Заев“.
- Катица Јанева во случајот „Пуч“ можеше да избира помеѓу застапување на доказите обезбедени преку признанието на сега осудениот Ѕвонко Костовски, скајп комуникацијата и писмото од Заев до Верушевски или да премине на другата страна и вторпат да аболицира лице кое во минатото стори и други кривични дела. Катица Јанева се откажа од правото и правдата и се определи за Заев. Катица Јанева и СЈО можеа да избираат помеѓу одговорноста за тоа за коешто се избрани и платени или целосно влегување во политичките игри на СДСМ и ставање во функција на аболицираниот Зоран Заев. Катица Јанева и СЈО одлучија да одиграат пристрасно и политички, изјави на прес-конференција Кирил Миновски, член на Извршниот комитет на ВМРО-ДПМНЕ.
Додаде дека во предметот „Пуч“ има бројни докази и дека тоа го знаат Катица Јанева и Зоран Заев, обвинителството за гонење дела од областа на организираниот криминал и советот кој одлучуваше за правосилност на обвинението.
- Зоран Заев е загазен во криминал и во судска постапка ќе се докажеше обвинението. Затоа Катица Јанева одлучи да се повлече и да го брани криминалот. Во спротивно, самиот Заев ќе бараше во судска постапка да се докаже неговата невиност. Специјалното јавно обвинителство е политички инструмент на СДСМ. СЈО нема ниту П од професионализам, а непристрасното постапување за нив е непозната именка. СЈО не е дораснато на задачата заради која е формирано и самото ја поништи основната причина за негово постоење, рече Миновски.
Ново на Сител
-
ДИК: Обработени 56,05% од гласовите - ВМРО-ДПМНЕ 217.533 - СДСМ 73.922
-
ДИК: Обработени 43,30% од гласовите - ВМРО-ДПМНЕ 153.993 - СДСМ 51.885
-
ДИК: Обработени 35,94% од гласовите - ВМРО-ДПМНЕ 118.498 - СДСМ 40.281
-
ДИК: Обработени 40,67% од гласовите - Силјановска Давкова 190.926, Пендаровски 92.597
-
ДИК: Обработени 27,34% од гласовите - ВМРО-ДПМНЕ 87.037 - СДСМ 29.671
-
ДИК: Обработени 32,18% од гласовите - Силјановска Давкова 148.568, Пендаровски 71.906
-
МВР: Можеби најмирните избори досега од безбедносен аспект
-
ДИК: Обработени 20,25% од гласовите - Силјановска Давкова 88.209, Пендаровски 42.923