Земји на НАТО што граничат со Русија ќе подигнат „ѕид од дронови“
Шест земји членки на НАТО, што се соседи на Русија, се согласија да изградат „ѕид од беспилотни летала“ за да ги бранат своите граници од „провокации“, соопшти синоќа литванската влада.
„Тоа е сосема нова работа, ѕид од дронови што се протега од Норвешка до Полска. Целта е да се користат беспилотни летала и други технологии за заштита на нашите граници“, рече литванската министерка за внатрешни работи Агне Билотаите. Таа го изјави ова по разговорите со колегите од другите балтички земји, Естонија и Латвија, како и Финска, Норвешка и Полска.
„Не се работи само за физичка инфраструктура, системи за надзор, туку и за беспилотни летала и други технологии, што ќе ни овозможат да се заштитиме од провокации од непријателски земји и да го спречиме шверцот“, додаде таа.
Покрај распоредувањето на дронови за следење на границата, тие земји би користеле системи за пресретнување непријателски беспилотни летала.
Литванската министерка не спомна врмеенска рамка за проектот, што беше одобрен поради актуелните безбедносни грижи во регионот во време на руската војна во Украина.
Ново на Сител
-
Средба Гаши - Ал Субаие: Подготвеност за продлабочување на соработката во рамки на Парламентарното собрание на Медитеранот
-
ДИА: Путин е убеден дека ќе победи во војната во Украина
-
Ѓоковиќ го освои 100. трофеј во кариерата
-
Николоски: Нова авиолинија Скопје - Ларнака од 31 октомври
-
Плинска боца експлодирала во стан во Штип, повредена сопственичката
-
Скопјанка измамена за сума од 17.300 евра откако на телефон и јавиле дека нејзината внука направила сообраќајка
-
Утре посебен сообраќаен режим во Скопје поради одржување на атлетска трка
-
Прекин во снабдувањето со електрична енергија во јужна Франција