Зеленски: Русија ноќеска ја нападна Украина со 420 дронови и 39 ракети, повредени се десетици лица

Русија ноќеска гаѓаше критична инфраструктура во повеќе региони на Украина со 420 дронови и 39 ракети, вклучувајќи и 11 балистички ракети. Оштетени се многу приватни домови и станбени згради, а десетици лица се повредени, меѓу кои и деца, соопшти украинскиот претседател Володимир Зеленски.
Тој утрово на социјалните мрежи соопшти дека цел биле инсталации на гасната инфраструктура во областа Полтава, како и електрични потстаници во областите Киев и Дњепар.
Зеленски наведе дека итните служби работат во областите Чернихив, Запорожје, Харков, Кировоград, Виниција и Киевската област, како и во главниот град Киев.
- Мнозинството од ракетите се успешно пресретнати благодарение на тоа што нашите партнери брзо испратија дел од ракетите за противвоздушна одбрана договорени на неодамнешниот состанок во Рамштајн – изјави Зеленски, додавајќи дека, за жал, има и погодени места.
Тој укажа дека и понатаму е ладно и дека одбранбените ракети се потребни секој ден додека Русија настојува да го уништи украинскиот енергетски систем.
МИА
Ново на Сител
-

Мицкоски: Работиме на случаите со илегална дрога, ќе ја исчистиме државата од политичките криминалци
-

Сиљановска-Давкова: „Извозот на мозоци“ остава длабоки лузни
-

Муцунски: Мораме да најдеме решение на предизвикот со Бугарија, но во рамки на нашите принципиелни позиции
-

Брза интервенција на ДПД-Пехчево спречи поголем пожар кај село Црник
-

Радман: Северна Македонија е подготвена и заслужува членство во ЕУ многу брзо
-

Јаневска: Крајно време е универзитетите и општеството да склучат договор дека ќе работат во полза на младите луѓе кои ќе останат да ја развиваат оваа држава
-

Фонд на ПИОМ: Управниот одбор ја усвои Завршната сметка на Фондот за 2025 година
-

По пет години затвор добија тројца турски државјани, кои помагаа во извршување на убиство во Штип
