Зеленски: 11-годишно дете меѓу единаесетте загинати во Лозова | ВИДЕО

„Окупаторите ја земаа културата, образованието и човештвото за свои непријатели. Тие ги гаѓаат со проектили и бомби. Што им е во умот на луѓето кои избираат такви цели? Апсолутно зло, апсолутна глупост“, напиша Зеленски.

Во ракетирањето на градот Лозова, во украинскиот регион Харков, денеска загинаа 11 лица, изјави попладнево украинскиот претседател Володимир Зеленски.

На снимката, што Зеленски ја постираше на социјалните мрежи, се гледа објектот и веднаш потоа и силната експлозија и облакот од чад што се крева над зградата погодена од проектил.

Зеленски на Фејсбук напиша дека ракетирана била зградата на Домот на културата во Лозова и дека во нападот загинале 11 лица, меѓу кои и едно 11-годишно дете.