Загреб: Ученик добил укор, па неговиот родител се заканувал дека ќе се повтори белградско сценарио

По инцидент во основно училиште во Загреб, родителот на еден ученик и се заканил на наставничката дека ќе се повтори белградското сценарио бидејќи ученикот добил опомена, пренесува „РТЛ“.

Полицијата вчера интервенираше поради сериозни закани од можно белградско сценарио, како и пронаоѓање на забранети предмети кај еден ученик во Загреб. Домот на младиот човек бил претресен, а настанот е пријавен во Министерството за образование.

„Министерството за наука и образование добило барање од основното училиште да се направи интервенцијаи истата е спроведено. Директорот на основното училиште бил известен за процедурите за заштита на учениците и бил упатен да го пријави вчерашниот настан согласно протоколот за справување со насилство кај децата и младите“, велат од Министерството.

Од Синдикатот „Препород“ велат дека треба уште многу да се работи на безбедноста во училиштата, а најголем проблем е што директорите често не сакаат да зборуваат за тоа. Случајот во Белград потсети на загрижувачката статистика која укажува дека менталните нарушувања кај децата и младите се зголемени за речиси 300 отсто, а обидите за самоубиство за 280 отсто, е наведено во написите.