Заев: Треба да го поддржиме законот за еколошка такса ако сакаме почист воздух и зелени површини
Премиерот Зоран Заев, коментирајќи ја најавата на опозицијата дека ќе го блокира донесувањето на законот за еколошка такса, попладнево во Куманово изрази надеж дека ќе се изнајдат начини за да се изгласат законите кои се важни за граѓаните.
– Верувам дека согласно Деловникот, законите треба да се гласат „за“ или „против“ и верувам дека ќе се изнајдат начини за да ги продолжиме политиките важни за граѓаните. Ако сакаме повеќе здравје, почист воздух и повеќе зелени површини, мора да ги следиме европските политики. Зелената такса што се воведува, доаѓа во време кога се укинуваат трите денари акциза што беше воведена кога цената на нафтата беше најниска. Очекуваме другата недела да помине 600 долари барел и веднаш паѓаат самите такси, така што немаме во просек некое зголемување, но ќе имаме огромен фонд кој во една година значи не помалку од 55 милиони евра. Тоа се пари за зелени површини, пари за обновливи извори на енергија, енергетска ефиканост кои значат многу за државата. Да застанеме сите и ваквите процеси да ги поддржиме, изјави Заев.
Опозицијата денеска најави дека ќе го блокира донесувањето на овој Предлог-закон кој, според нив, значи нова давачка за граѓаните и поскапување на цените за транспорт и други производи.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО